დედაქალაქის „მეტროპოლიტენის“ ყველა მეტროსადგურზე მატარებლების მოძრაობა აღდგენილია.
ამის შესახებ თბილისის სატრანსპორტო კომპანიის განცხადებაშია აღნიშნული.
დღეს, 09:55 საათზე სადგურ „სამგორში“, საკონტაქტო რელსზე ძაბვის მიწოდების შეფერხების გამო, პირველ ხაზზე მატარებლები ზონურად – „ახმეტელის თეატრიდან“ „300 არაგველამდე“ მოძრაობდნენ.
აღნიშნული შეფერხების გამო, მეტროდან მგზავრების ევაკუაცია განხორციელდა. მეტროს სადგურებს – „ვარკეთილსა“ და „სამგორს“ შორის ავარიულად გაჩერებულ მატარებელში მყოფი მგზავრები გვირაბიდან ფეხით გამოიყვანეს.
ამ ეტაპზე, მეტროს ყველა სადგური მგზავრებს შეუფერხებლად ემსახურება.
