“ტალიბანის” ბოევიკებმა ჩრდილოეთ ავღანეთში, კუნდუზის პროცინციაში ათობით ადამიანი გაიტაცეს – რეგიონის გუბერნატორმა Reuters-ს განუცხადა. გუბერნატორის თქმით, სამ სავსე ავტობუსში სხვადასხვა მონაცემებით 150-დან 400-მდე პირი იმყოფებოდა. ბევრი მათგანი – ოჯახით. ყველა, მათ შორის, ქალები და ბავშვები, უცნობ ადგილზე გადაიყვანეს. სააგენტო აღნიშნავს, რომ შემთხვევა მას შემდეგ მოხდა, რაც ავღანეთის პრეზიდენტმა “ტალიბანთან” ცეცხლის შეწყვეტის სამთვიანი პერიოდი გამოაცხადა, რომ მთავარი მუსლიმური დღესასწაული იდ ალ-ადხა აღნიშნონ.
თალიბების წარმომადგენელმა ზაბიხულა მუჯახიდმა Reuters-ს ავტობუსების გატაცების შესახებ ინფორმაცია დაუდასტურა: “ავტობუსი უსაფრთხო რაიონში გავაგზავნეთ. ახლა გავარკვევთ, რომელი მგზავრი თანამშრომლობს ძალოვან სტუქტურებთან”. მისი თქმით, ავტობუსების გატაცება მოხდა იმის გამო, რომ მათ ხელთ არსებული ინფორმაციით, რომელიღაც ავტობუსში ძალოვანი სტრუქტურის წარმომადგენელი იმყოფებოდა.
