გერმანიის კანცლერი ოლაფ შოლცი დარწმუნებულია, რომ რუსულ გაზზე ემბარგო არ დაასრულებს ომს უკრაინის წინააღმდეგ. მისი აზრით, ეს სერიოზულად შეამცირებს ევროპის ეკონომიკურ შესაძლებლობებს.
მისი თქმით, გერმანიის ხელისუფლებას სურს, თავიდან აიცილოს ეკონომიკური კრიზისი, მილიონობით სამუშაო ადგილის დაკარგვა.
გერმანიის კანცლერი აღნიშნავს, რომ ემბარგო შექმნის გლობალურ კრიზისს.
„რუსულ გაზზე ემბარგო არ დაასრულებს ომს უკრაინის წინააღმდეგ. ემბარგოს დაწესებას სერიოზული შედეგები მოჰყვება ჩვენი ქვეყნისთვის, მთელი ევროპისთვის და, ასევე, სერიოზულად იმოქმედებს უკრაინის რეკონსტრუქციის დაფინანსებაზე. სწორედ ამიტომ უნდა ვთქვა: ჩვენ არ შეგვიძლია ემბარგოს დაწესება“, – დასძინა კანცლერმა.