გაეროს მსოფლიო ტურიზმის ორგანიზაციის მიხედვით, რუსეთმა საერთაშორისო სააგენტოს დატოვება სწორედ მაშინ გადაწყვიტა, როდესაც ქვეყნები რუსეთის წევრობის შეჩერების გამო კენჭისყრას აპირებდნენ.
UNWTO-ს სპიკერის თქმით, რუსეთის გასვლის მიუხედავად, ასამბლეა რუსეთს სტატუსს მაინც შეუჩერებს, ხოლო გასვლის პროცესს ერთი წელი დასჭირდება.
მადრიდში დაფუძნებული UNWTO-ს გენერალური მდივანი, ზურაბ პოლოლიკაშვილი იმედოვნებს, რომ ქვეყნები რუსეთს წევრობას შეუჩერებენ, რაც სხვა საერთაშორისო ორგანიზაციებს მაგალითს მისცემს.
“ტურიზმის სექტორი, განსაკუთრებით შიდა ტურიზმის, განვითარებას გააგრძელებს”. – თქვა UNWTO-ს წარმომადგენელმა.
გაეროს გენერალურმა ასამბლეამ ამ თვის დასაწყისში რუსეთისთვის სტატუსის შეჩერებას მხარი დაუჭირა უკრაინაში ადამიანის უფლებების დარღვევის გამო.