რუსმა ოკუპანტებმა, ზაპოროჟიეს რეგიონში 61 ტონა ხორბალი მოიპარეს, – ინფორმაციას, უკრაინის გენერალური პროკურატურის პრესსამსახური ტელეგრამ არხზე ავრცელებს.
უწყების ცნობით, ოკუპანტებმა ქალაქ კამიანკა-დნიპროვსკაში 26 აპრილს ერთ-ერთი სასოფლო-სამეურნეო
საწარმო გაძარცვეს, ნაძარცვი კი სატვირთოთი წაიღეს, რომელიც, ასევე ამ საწარმოს ეკუთვნოდა.
უკრაინის სახალხო დამცველის, ლუდმილა დენისოვას თქმით, რუსი ოკუპანტები დროებით ოკუპირებული ტერიტორიებიდან მარცვლეულისა და საკვების ექსპორტს ახორციელებდნენ.
