ჯერზის კუნძულის სასამართლომ რუს ოლიგარქ რომან აბრამოვიჩს 7 მილიარდი დოლარის ღირებულების აქტივები გაუყინა.
„სამეფო სასამართლომ მიიღო გადაწყვეტილება 7 მილიარდ დოლარზე მეტი ღირებულების აქტივების გაყინვის შესახებ, რომლებიც დაკავშირებულია ბატონ აბრამოვიჩთან და მდებარეობს ჯერზიში ან ეკუთვნის კუნძულზე რეგისტრირებულ იურიდიულ პირებს“, – აღნიშნულია სასამართლოს განცხადებაში.
რომან აბრამოვიჩი იმ რამდენიმე მდიდარ რუსს შორის არის, რომლებსაც გასულ თვეში ბრიტანეთმა და ევროკავშირმა უკრაინაში რუსეთის შეჭრის გამო სანქციები დაუწესეს.
ჯერზის კუნძული წარმოადგენს ბრიტანეთის დაქვემდებარებაში მყოფ გვირგვინის მიწას, რომლის წარმომადგენელი და დამცველი დიდი ბრიტანეთის მთავრობაა.
