ქუთაისში, სავაჭრო ცენტრ “გრანდმოლის” თანამშრომლებმა, შენობის მიმდებარე ტერიტორიაზე გარევაჭრობის შეწყვეტის მოთხოვნით, საპროტესტო აქცია გამართეს.
სავაჭრო ცენტრის თანამშრომლები აცხადებენ, რომ გარემოვაჭრეები საკუთარ პროდუქციას მყიდველებს ქუჩაში სთავაზობენ, რის გამოც კლიენტი შენობაში აღარ შედის.
” სახელმწიფო ვალდებულია, ყველა ბიზნესს თავისუფალი კონკურენციის გარემო შეუქმნას, რაც ჩვენს შემთხვევაში დარღვეულია. პროდუქცია აღარ იყიდება. მაღაზიებს კეტავს ხალხი. ასეთ პირობებში არც მუშაობა და საერთოდ არსებობა აღარ შეიძლება”,- განაცხადა “გრანდმოლის” დირექტორმა ნატო დანელია მედიასთან საუბარში.
გარემოვაჭრეები ადგილის გათავიუსფლებას არ აპირებენ და ამბობენ, რომ ეს მათი ერთადერთი შემოსავლის წყაროა.
სავაჭრო ცენტრის მიმდებარე ტერიტორიაზე კი ათობით გარემოვაჭრეა დასაქმებული.
