ავღანეთის დედაქალაქ ქაბულში თვითმკვლელი ტერორისტის მიერ განხორციელებული თავდასხმის შედეგად სულ მცირე ხუთი ადამიანი დაიღუპა და რამდენიმე დაშავდა. ინციდენტის სამიზნე ქვეყნის თავდაცვის სამინისტრო წარმოადგენდა.
შინაგან საქმეთა სამინისტროს ინფორმაციით, დაღუპულებს შორის სამი სამხედრო და ორი მშვიდობიანი მოქალაქეა. უწყების ცნობით, დაჭრილია 12 ადამიანი, რომელთაგან 5 სამოქალაქო პირია.
ჯერჯერობით, თავდასხმაზე პასუხისმგებლობა არც ერთ დაჯგუფებას არ აუღია.