გავრცელებული ინფორმაციით, პანკისის ხეობაში ჩატარებული სპეცოპერაციისას ერთი ადამიანი დაიჭრა და ის ამჟამად თელავის რეფერალურ საავადმყოფოშია მოთავსებული. ინფორმაციას საავადმყოფოში ადასტურებენ და აცხადებენ, რომ დაჭრილს დაზიანებები თავის არეში აქვს მიყენებული და შესაბამისი სამედიცინო ჩარევა უტარდება.
შეგახსენებთ, რომ პანკისის ხეობაში სპეცოპერაცია დღეს დილიდან, მიმდინარეობდა. არსებული ინფორმაციით, ის თბილისში ჩატარებულ სპეცოპერაციას უკავშირდებოდა და სავარაუდოდ, აყვანილია ახმეტ ჩატაევთან კავშირში მყოფი 3 პირი.
სავარაუდოდ სწორედ პანკისის ხეობაში ჩატარებულ სპეცოპერაციას უკავშირდებს ბრიფინგი, რომელიც სუს-ში 12 საათზე ჩაინიშნა.