ონის მუნიციპალიტეტს თბილისის მერიამ ოთხი ერთეული ავტობუსი გადასცა. ავტობუსები ონის მუნიციპალიტეტის მერმა ემზარ საბანაძემ საკრებულოს თავმჯდომარესთან შუქურა ჯაფარიძესთან ერთად დაათვალიერა. ავტობუსები შემდეგი მიმართულებით იმოძრავებს: ონი-ამბროლაური-ონი; ონი-უწერა-შოვი-ონი; ონი-ქვედრულა-ირი-ონი, 13 თებერვლიდან კი ექსპლოატაციაში შევა ონი-ამბროლაური-ონის მარშუტი.
“ტრანსპორტირება განხორციელდება ყოველდღე, 08:30 საათზე დემეტრე მეორის მოედნიდან და 15:00 საათზე ამბროლაურიდან, პროფესიული სასწავლებლის მიმდებარე ტერიტორიიდან.
ტექნიკური საკითხების დაზუსტების და ტარიფების დადგენის დასრულებამდე, ონი-ამბროლაურის მარშრუტი, ონის განვითარების ფონდის მხარდაჭერით და დაფინანსებით ერთი თვის განმავლობაში – 13 თებერვლიდან 13 მარტის ჩათვლით უფასოდ იმოძრავებს.
ინფორმაცია აღნიშნული მარშუტების სრული დატვირთვით ექსპლოატაციაში შესვლისა და ტარიფების თაობაზე, ტექნიკური პროცედურების დასრულებისთანავე განთავსდება ონის მუნიციპალიტეტის მერიის ფეისბუქგვერდზე და განცხადებების სახით”, – აცხადებენ ონის მუნიციპალიტეტში.