რუსმა ოკუპანტებმა საჩხერეში საქართველოს 9 მოქალაქე დააკავეს. არსებული ინფორმაციით, ოკუპანტებმა მოქალაქეები მაშინ აიყვანეს, როდესაც ისინი საოკუპაციო ხაზთან ახლოს ჯონჯოლის საკრეფად იყვნენ წასულები.
ადგილობრივ მუნიციპალიტეტში დამატებით ინფორმაციას არ ფლობენ, თუმცა მომხდარს ადასტურებენ. სახელმწიფო უსაფრთხოების სამსახურში აცხადებენ, რომ 9 მოქალაქის დაკავება საოკუპაციო ძალების მიერ მოხდა.
დამატებით ინფორმაციას სუს-ში არ ავრცელებენ.