სააპელაციო სასამართლოში ტელეკომპანია „რუსთავი2“-ის საქმის განხილვა დღეს გაგრძელდება. პროცესზე „რუსთავი2“-ის ადვოკატები სააპელაციო საჩივრებით წარსდგებიან.
რუსთავი 2-ს გასაჩივრებული აქვს ქიბარ ხალვაშისთვის წილის 100%-ის გადაცემაც. ასევე ყველა ის განჩინება, რომელიც მოსამართლე ურთმელიძემ არ დააკმაყოფილა.
ქიბარ ხალვაშის ადვოკატებს კი გასაჩივრებული აქვთ სასარჩელო მოთხოვნების ის ნაწილი, რომელიც არ დაკმაყოფილდა საქალაქო სასამართლოში.
ამასთანავე „რუსთავი2“-ის უფლებადამცველები სასამართლოს მიმართავენ შეკითხვით მიიღო თუ არა გადაწყვეტილება რუსთავი 2-ის მოწილე – ტელეკომპანია საქართველოს წილების დაყადაღების საკითხზე და აპირებს თუ არა შეაჩეროს პროცესი, ვიდრე საკოსნტიტუციო სასამართლო არ მიიღებს გადაწყვეტილებას რუსთავი 2-ის სარჩელთან დაკავშირებით.
სასამართლო პროცესი 11 საათზე დაიწყება.