აშშ-ს პრეზიდენტმა, ბარაკ ობამამ ვაშინგტონში გამართულ პრეს-კონფერენციაზე განაცხადა, რომ ის რუსეთთან ატომური განიარაღების საკითხზე დიალოგის გაგრძელებას აპირებს – Reuters-ი წერს.
„ჩემი სურვილია ატომური არსენალის კიდევ უფრო შემცირება“ – განაცხადა ობამამ. მისი თქმით, დასრულებულია შეთანხმება „სტარტ-2“-თან დაკავშირებით. ახლა ვაშინგტონი მოსკოვს მოლაპარაკებების მეორე ეტაპს სთავაზობს, სააგენტო წერს.
ამერიკელმა ლიდერმა ასევე აღნიშნა, რომ აუცილებელია სამომავლოდ სასიკვდილო სისტემების წინააღმდეგ უფრო ეფექტური ზომების მიღება.
