მიანმარში უსაფრთხოების ძალებმა საპროტესტო აქციების 82 მონაწილე მოკლეს. ამის შესახებ Reuters იუწყება.
შეტაკება ქალაქ ბაგოში მოხდა. დასახლებული პუნქტი ქვეყნის მთავარი ქალაქის, იანგონის მახლობლად მდებარეობს. ინფორმაცია პოლიტპატიმრების დახმარების ასოციაციამ გაავრცელა.
ადგილობრივების ინფორმაციით, საპროტესტო აქციის დასაშლელად სამხედროებმა ცეცხლსასროლი იარაღი და ხელყუმბარები გამოიყენეს.
1-ელ თებერვალს მომხდარი სამხედრო გადატრიალების შემდეგ მიანმარში სამხედროებმა საპროტესტო აქციების 600-ზე მეტი მონაწილე მოკლეს.
