საფრანგეთის პრეზიდენტმა ემანუელ მაკრონმა განაცხადა, რომ ის მხარს არ უჭერს უნგრეთმა ევროკავშირთან შეთანხმების 50-ე მუხლი აამოქმედოს და გაერთიანება დატოვოს – ნიდერლანდების პრემიერ-მინისტრს მარკ რიუტეს უპასუხა, რომელმაც თქვა, რომ “უნგრეთის ადგილი ევროკავშირში არ არის”.
ამავე დროს, მაკრონმა აღნიშნა, რომ აუცილებელია “ეგზისტენციალურ საკითხებში” ღირებულებების დანერგვა და მათი შენარჩუნება.
გუშინ ნიდერლანდების პრემიერ-მინისტრმა მარკ რიუტემ თქვა, რომ ევროკავშირში უნგრეთის ადგილი არ არის – ხუთშაბათს უნგრეთში ლგბტ თემის შესახებ მიღებული კანონის კომენტარებისას განაცხადა ბრიუსელში ევროკავშირის სამიტზე. “ჩემთვის უნგრეთის ადგილი არ არის ევროკავშირში” – თქვა პრემიერმა.
“მაგრამ მე არ ვარ ის ერთადერთი, რომელიც წყვეტს: კიდევ 26-ია (წევრი ქვეყნები). ეს ნაბიჯ-ნაბიჯ უნდა გაკეთდეს” – დაამატა მან.
ნიდერლანდები ერთ-ერთი იმ 17 ქვეყანათაგანია, რომელთაც მიმდინარე კვირას ხელი მოაწერეს დეკლარაციას, სადაც სერიოზული შეშფოთება იყო გამოთქმული უნგრული კანონმდებლობის გამო. “ამ საკითხში გრძელვადიანი მიზანი უნგრეთის მუხლებზე დაჩოქებაა” – რიუტემ თქვა.
გასულ კვირას უნგრელმა დეპუატატებმა მიიღეს კანონი, რომელიც არასრულწლოვანებისთვის ჰომოსექსუალიზმისა და სქესის შეცვლის შესახებ ნებისმიერი ინფორმაციის მიწოდებას კრძალავს.
