ლონდონში გოლდერს-გრინის მეტროსადგურიდან ხალხის ევაკუაცია განხორციელდა. ინფორმაციას ამის შესახებ სააგენტო Reuters-ი ავრცელებს.
განგაშის გამო ლონდონის ებრაულ დასახლებაში მდებარე მეტროსადგური დაიკეტა.
ამჟამად პოლიცია მეტროსადგურის შესასვლელთან მდგარ საეჭვო ავტომობილს ათვალიერებს. სამართალდამცველები მანქანის მეპატრონის ვინაობის დადგენას ცდილობენ.
ადგილზე მობილიზებულები არიან სამაშველო რაზმები და გამნაღმველები.