“რადიკალებთან არ ვითანამშრომლებთ, ვინც საზოგადოებას ხლეჩს, ყველას ოპოზიცია ვიქნებით”, – ამის შესახებ გადაცემა “რეაქციაში” გიორგი გახარიას თანაგუნდელმა, “ქართული ოცნების” ყოფილმა დეპუტატმა გიორგი ხოჯევანიშვილმა განაცხადა.
“ჩვენ ვიქნებით ყველა იმ პოლიტიკური ჯგუფის ოპოზიცია, რომელიც საზოგადოებას შუაზე ხლეჩს და რადიკალიზაციისკენ მოუწოდებს. არ აქვს მნიშვნელობა, ეს იქნება “ოცნება”, “ნაციონალური მოძრაობა” თუ სხვა პარტია. ჩვენთვის ეს წყალგამყოფი საკითხია და ამ პრინციპით ვითანამშრომლებთ. თუმცა, უნდა ითქვას, რომ ალიანსში შესვლას არავისთან არ ვაპირებთ. გავიმეორებ, რადიკალებთან არასდროს არაფერი გვექნება”, – განაცხადა ხოჯევანიშვილმა.
