9 მაისს დილიდან, ყაზახეთის ტერიტორიაზე ადგილობრივი მედიის ვებ გვერდები და სოციალური ქსელები მიუწვდომელი იყო – ყაზახეთის “რადიო თავისუფლების” რედაქციამ გაავრცელა. ასევე, არ იხსნება ყაზახეთის ადამიანის უფლებათა დაცვის ბიუროს გვერდი. დაბლოკილია Telegram-ი, Facebook-ი, Youtube და Instagram-ი – “დოიჩე ველე” წერს.
მთავრობის მსგავსი მოქმედებები დაკავშირებულია იმასთან, რომ ქვეყანაში აკრძალული საზოგადოებრივი მოძრაობა “ყაზახეთის დემოკრატიული არჩევნები” 9 მაისს ალმატიში, სურ-სულთანსა და სხვა ქალაქებში საპროტესტო აქციას გეგმავდა. აქციები მთავრობის მიერ მხარდაჭერილი “უკვდავების მარშის” პარალელურად უნდა გამართულიყო.
რუსული მედიის ინფორმაციით, აქტივისტები მაინც გავიდნენ ქუჩაში. ბევრი მათგანი პოლიციამ დააკავა.
