კანადა უკრაინას დასახმარებლად 8 ჯავშანმანქანას გადასცემს. ამის შესახებ ინფორმაცია ქვეყნის თავდაცვის მინისტრმა, ანიტა ანანდმა საკუთარ ტვიტერის გვერდზე გაავრცელა.
“მინდა გაცნობოთ, რომ კომპანია Roshel-ის მიერ წარმოებულ 8 ჯავშანმანქანას კანადა უკრაინას გადასცემს. კონტრაქტი უკვე გაფორმებულია და ჩვენს უკრაინელ მეგობრებს მათ რაც შეიძლება სწრაფად მივაწვდით”. – წერს ანიტა ანანდი.
თავდაცვის მინისტრი აღნიშნავს, რომ კანადა უკრაინის სამხედრო დახმარებას კვლავაც განაგრძობს.
