ბრიტანეთის პრემიერ-მინისტრის ბორის ჯონსონის განცხადებით, უკრაინის პრეზიდენტ ვოლოდიმირ ზელენსკის არ უნდა უბიძგონ რუსეთთან ცუდი სამშვიდობო შეთანხმების მიღწევისკენ. ამის შესახებ ბორის ჯონსონმა მთავრობის სხდომაზე ისაუბრა.
ბრიტანეთის პრემიერის განმარტებით, ცუდი შეთანხმებები დიდხანს არ გრძელდება.
ჯონსონის მტკიცებით, გაერთიანებული სამეფო უკრაინის მხარდამჭერთა შორის წინა ხაზზეა.
მისი თქმით, მსოფლიომ თავიდან უნდა აიცილოს ნებისმიერი შედეგი, რომლის მიხედვითაც პუტინის გაუმართლებელი აგრესია მისთვის სასურველი სცენარით დასრულდება.
