ეს ის იშვიათი შემთხვევაა, როცა მიღწეულია ფართო პოლიტიკური კონსენსუსი, – ამის შესახებ ფრაქცია „ქართული ოცნების” თავმჯდომარემ მამუკა მდინარაძემ ჟურნალისტებთან საარჩევნო ცვლილებებთან დაკავშირებით განაცხადა. მისივე თქმით, განსხვავებელი მოსაზრებები მხოლოდ ბლოკებთან დაკავშირებით გამოითქვა, თუმცა, როგორც მამუკა მდინარაძე ამბობს, აღნიშნულ დათმობაზე მმართველი გუნდი სავარაუდოდ არ წავა.
“ამასთან დაკავშირებით ჩვენ გვაქვს არგუმენტები, რის გამოც სავარაუდოდ, ბლოკების დაშვება არ იქნება. როცა ვსაუბრობთ პარტიების განვითარებაზე, დაფინანსების წესის შეცვლაზე, რეალურ პარტიებზე და არა ერთკაციან პარტიებზე, როგორიც ჩვენ გვახსოვს წარსულიდან საქართველოში, შეუძლებელია ეს დალაგდეს საზოგადოების ინტერესის შესაბამისად ბლოკების არსებობისას”, – განაცხადა მამუკა მდინარაძემ.
კითხვაზე, რამდენად დაუჭერენ მხარს მაჟორიტარები საკონსტიტუციო ცვლილებებს, მდინარაძემ განაცხადა, რომ გუნდს ექნება ერთიანი გადაწყვეტილება და აღნიშნული ცვლილებების პოზიტიურობის გათვალისწინებით, მას მხარს ოპოზიციაც დაუჭერს.
