ჰაიტიზე მიწისძვრის შედეგად დაღუპულთა რიცხვი 1 297-მდე გაიზარდა. ინფორმაციას სხვადასხვა უცხოური მედიები ქვეყნის ოფიციალურ უწყებებზე დაყრდნობით ავრცელებენ.
BBC-ის ინფორმაციით, უცნობია იმ ადამიანთა რიცხვი, რომლებიც ამ დრომდე დაკარგულად ითვლებიან, შემთხვევის შედეგად კი 5 700 ადამიანი დაშავდა.
ჰაიტიზე მიწისძვრა შაბათს, 14 აგვისტოს მოხდა. ეპიცენტრი ქალაქ სენ-ლუი დუ სუდიდან 12 კილომეტრში იყო, სადაც 7.2 მაგნიტუდის ბიძგები დაფიქსირდა.
