საგურამოში გამართულ მიღებას უმრავლესობის წევრი ომარ ნიშნიანიძე გამოეხმაურა. დეპუტატის ინფორმაციით, არაფორმალურ გარემოში გამართულ შეხვედრაზე პოლიტიკურ საკითხებზე მსჯელობა არ ყოფილა და მას მხოლოდ ფრაქცია ქართული ოცნების წევრები ესწრებოდნენ.
“ეს იყო შობა-ახალი წლის ერთმანეთისთვის მილოცვა, კიდევ ერთხელ გამოხატულება გუნდურობის, რომ ჩვენ კვლავ ერთად ვართ და არსად წასულა არც ბატონი ირაკლი და ა.შ. ჩვენ ერთმანეთს მივულოცეთ, მოვეფერეთ, მოვესიყვარულეთ, გავამხნევთ, რა თქმა უნდა, მსჯელობა გვქონდა მომავალაზე,“- განაცხადა ნიშნიანიძემ.
