გუდაური-კობის მონაკვეთზე გაწმენდითი სამუშაოები უწყვეტ რეჟიმში გრძელდება

გარემოს ეროვნული სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ99-დან კმ102 მონაკვეთამდე (გუდაურიდან პირველი გვირაბის შესასვლელამდე) ზვავსაშიშროების საფრთხის დონე დაბალია და შესაძლებელია გაწმენდითი სამუშაოების წარმოება. ინფორმაციას ამის შესახებ საავტომობილო გზების დეპარტამენტი ავრცელებს.

„ზვავსაშიშროების უბანი ამჟამად მხოლოდ კმ102-კმ105-ზეა და სამ კილომეტრამდეა შემცირებული. ამ დროისთვის გუდაური-კობის მონაკვეთზე ორივე მხრიდან პარალელურ რეჟიმში მიმდინარეობს გაწმენდითი სამუშაოები. პირველი მხრიდან სამუშაოები გრძელდება კმ93- დან კმ102-მდე, ხოლო მეორე მხრიდან – კმ107-დან კმ105-მდე მონაკვეთზე“, – აღნიშნულია ინფორმაციაში.

წინა სტატიაშიღუდუშაური პანსიონზე – სერიოზულად განსახილველია ომბუდსმენის მიერ დამზაფრავი თემების შემოტანა
შემდეგი სტატიალავროვი – მოსკოვსა და ვაშინგტონს შორის სრულყოფილი დიალოგი გლობალური სტაბილურობის უზრუნველყოფას მოემსახურება