გიორგი მარგველაშვილი : ამიერიდან ქართული შეიარაღებული ძალების გაძლიერების საქმეში, ქალი და კაცი ერთად იდგება სამშობლოს სადარაჯოზე

news
ავტ.: news სექტემბერი 15, 2016 10:09

გიორგი მარგველაშვილი : ამიერიდან ქართული შეიარაღებული ძალების გაძლიერების საქმეში, ქალი და კაცი ერთად იდგება სამშობლოს სადარაჯოზე

ამიერიდან ქართული შეიარაღებული ძალების გაძლიერებისა და განმტკიცების საქმეში, ქალი და კაცი ერთად იდგება სამშობლოს სადარაჯოზე, – ამის შესახებ პრეზიდენტმა გენერალ გიორგი კვინიტაძის სახელობის კადეტთა სამხედრო ლიცეუმში განაცხადა.

პრეზიდენტის ადმინისტრაციის ინფორმაციით, ლიცეუმის ისტორიაში წელს პირველად გოგონებიც მიიღეს.

”მთელ საქართველოს მინდა მივულოცო დღევანდელი დღე, სწავლის დაწყების დღესასწაული. განსაკუთრებით მინდა მივულოცო პირველკლასელებს და პირველკურსელებს, რომლებიც ახალ ფურცელს შლიან თავიანთ ცხოვრებაში. მინდა, რომ ეს ახალი გზის დასაწყისი განსაკუთრებით საინტერესო იყოს თქვენთვის. ამ დღის მოლოცვა გადავწყვიტე გიორგი კვინიტაძის სახელობის კადეტთა ლიცეუმიდან, ქუთაისიდან, რადგან ეს განსაკუთრებული სასწავლებელია და განსაკუთრებული წვლილი შეაქვს ჩვენი ქვეყნის განვითარებასა და წინსვლაში. ჩვენი ქვეყნის დაცულობის საქმეში. აქ წელს მე-6 წლისთავს კიდევ ერთი მნიშვნელოვანი ნაბიჯი გადაიდგა, პირველად მიიღო გოგონები თავის რიგებში და ამიერიდან ქართული შეიარაღებული ძალების გაძლიერებისა და განმტკიცების საქმეში, ისევე როგორც ყოველთვის, ტრადიციულად ჩვენს ქვეყანაში, ქალი და კაცი ერთად იდგება სამშობლოს სადარაჯოზე. აქედან მინდა გითხრათ ყველას – მტერსაც და მოყვარესაც, ჩვენი ქვეყანა ძლიერია თავისი ტრადიციებით, რომელთანაც კავშირს არასოდეს წყვეტს”, – განაცხადა გიორგი მარგველაშვილმა.

მისივე თქმით, ტრადიციულად, ისტორიულად, ქართველი ქალი, ქართველი კაცის გვერდით იდგა და სწორედ ამის მაგალითი არიან გიორგი კვინიტაძე და მისი თანამებრძოლი მარო მაყაშვილი.

”ამ ქვეყანაში სტანდარტი, რომელიც ბევრი საუკუნის წინ დაწესდა, რომ ლეკვი ლომისა სწორია, ძუ იყოს თუნდაც ხვადია, გრძელდება”, – აღნიშნა პრეზიდენტმა.

news
ავტ.: news სექტემბერი 15, 2016 10:09

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


12,804
ვიზიტორი
დღეში
Powered By Google Analytics