დღეს, საქართველოს ეროვნული უშიშროების საბჭოს სხდომა გაიმართება.
პრეზიდენტ გიორგი მარგველაშვილის მიწვევით, საბჭოს მუდმივი წევრები საქართველოს ეროვნული უშიშროების საბჭოს სხდომაზე 16:00 საათზე პრეზიდენტის რეზიდენციაში შეიკრიბებიან.
სხდომის დღის წესრიგით გათვალისწინებულია ორი საკითხის განხილვა: საქართველოს სამხედრო ძალათა რაოდენობის განსაზღვრა 2017 წლისთვის და საქართველოს თავდაცვის სამინისტროში დაგეგმილი რეფორმების შესახებ.
მომხსენებლები არიან: საქართველოს თავდაცვის მინისტრი ლევან იზორია და შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე.