თურქეთის პრეზიდენტმა ტაიპ ერდოღანმა განაცხადა, რომ თურქეთის საჰაერო სივრცის დარღვევაზე ქვეყნის სამხედროები იმოქმედებენ ისევე, როგორც უკვე ჩამოგდებული რუსული სუ-24-ის შემთხვევაში.
“დღესვე რომ მოხდეს საზღვრის მსგავსი დარღვევა, ჩვენ იმავე პასუხს გავცემთ” – განაცხადა თურქეთის მეთაურმა. როგორც “როიტერსი” იტყობინება, ერდოღანმა ხაზი გაუსვა იმას, რომ რუსული თვითმფრინავი “ავტომატური რეაქციით” იქნა ჩამოგდებული იმ ინსტრუქციის მიხედვით, რომელსაც თურქი სამხედროები მისდევენ.
Hürriyet Daily News-ის ინფორმაციით, პრეზიდენტმა ასევე თქვა, რომ თურქეთის მიზანი არ ყოფილა მაინცდამაინც რუსეთის ავიაგამანადგურებლის ჩამოგდება: “თვითმფრინავის წარმომავლობა იმ მომენტისთვის დადგენილი არ იყო” – განმარტა ერდოღანმა. მან მოსკოვი დაადანაშაულა იმაში, რომ ის “ისლამურ სახელმწიფოს” არ ებრძვის. “სინამდვილეში ისლამურ სახელმწიფოსთან მხოლოდ თურქეთი იბრძვის” – თქვა თურქეთის პრეზიდენტმა.