“იტალიასა და სამხრეთ ოსეთს შეუძლიათ ითანამშრომლონ ყურძნისა და ღვინის წარმოების საქმეში”, – ამის შესახებ განაცხადა ცხინვალის მარიონეტული რეჟიმის ე.წ. საგარეო საქმეთა მინისტრმა დიმიტრი მედოევმა, რომელიც იტალიაში იმყოფებოდა ვიზიტით პეზარო და ურბინოს პროვინციის სამრეწველო–სავაჭრო პალატის პრეზიდენტის ალბერტო დრუდის მოწვევით.
მედოევის თქმით, მან დაათვალიერა რეგიონის ღვინის და ყველის რამდენიმე საწარმო. “დღესდღეობით, სამხრეთ ოსეთი მზადაა ითანამშრომლოს იტალიასთან წარმოების ნებისმიერ სფეროში და მოხარული იქნება უმასპინძლოს იტალიელ ბიზნესმენებს”, – თქვა მედოევმა. მან ხაზი გაუსვა, რომ “ორ ქვეყანას შორის თანამშრომლობის ყველაზე დიდი პერსპექტივა გააჩნია ხორცის, ყველის და მინერალური წლების წარმოების სექტორს”.
ინფორმაციას ავრცელებს სააგენტო “Провина.ru”.
