გუშინ ევროპარლამენტში მოხსენების “რუსი სამხედროების დანაშაულებები აღმოსავლეთ უკრაინაში” პრეზენტაცია გაიმართა. დოკუმენტი თანაავტორმა, პოლონეთის სეიმის დეპუტატმა მალგოჟატა გოსევსკაიამ წარადგინა. მისი თქმით, მოხსენების მიზანია “ჟურნალისტებსა და პოლიტიკოსებში, ასევე დასავლეთ ევროპის მოსახლეობაში უკრაინის მიმართ ინტერესის გაზრდა და ინფორმაციის მიწოდება, თუ რა ხდება იქ”.
ბრიუსელის გარდა, მოხსენების ავტორები მის წარდგენას ბალტიის ქვეყნების, ჩეხეთის, სლოვაკეთის პარლამენტებში აპირებენ. გოსევსკაიას თქმით, მასალა აპრილის მეორე ნახევარში ჰააგის სასამართლოს გადაეგზავნება.
