ბელარუსში რუსეთის მონაწილეობით სამხედრო წვრთნები დაიწყო, – ამის შესახებ ბელარუსის რესპუბლიკის თავდაცვის სამინისტრო იუწყება.
წვრთნები 26-დან 29 აპრილამდე გაიმართება. მათში მონაწილეობას რუსეთის შეიარაღებული ძალების დასავლეთ სამხედრო ოლქის საჰაერო ძალებისა და საჰაერო თავდაცვის წარმომადგენლები მიიღებენ.
„ოპერატიული მომზადების ღონისძიების დროს მუშავდება ავიაციისა და საჰაერო თავდაცვის კონტროლის ორგანოებს შორის ურთიერთქმედების საკითხები დაქვემდებარებული სამხედრო ნაწილებისა და ქვედანაყოფებისთვის მოქმედებების დაგეგმვისა და ამოცანების დადგენისას“, – აღნიშნულია განცხადებაში.
