ავღანეთში თავდასხმას 13 ადამიანი ემსხვერპლა. შემთხვევა ჰელმანდის პროვინციაში მოხდა. ბაზრობის მახლობლად სამხედრო მანქანასთან დანაღმული ავტომობილი აფეთქდა.
დაღუპულთა შორის არიან სამხედროები და მშვიდობიანი მოქალაქეები, დაშავებულია კიდევ 20-მდე ადამიანი. ისინი საავადმყოფოში გადაიყვანეს.
თავდასხმა იმ რაიონში მოხდა, რომელიც ავღანეთის სამთავრობო ძალებმა ერთი თვის წინ თალიბებისგან გაწმინდეს.
