აშშ-ს პრეზიდენტმა დონალდ ტრამპმა პირადად მიიღო გადაწყვეტილება, რომ რუსეთის წინააღმდეგ ახალი სანქციები ძალაში არ შესულიყო – თეთრი სახლის პრეს-მდივანზე სარა სანდერსზე დაყრდნობით “ბიბისი” ავრცელებს.
გუშინ, კვირას გაეროში აშშ-ს მუდმივმა წარმომადგენელმა ნიკი ჰეილიმ განაცხადა, რომ ვაშინგტონი ორშაბათს რუსეთის წინააღმდეგ ახალ სანქციებს დააწესებს იმის გამო, რომ რუსეთი ასადის რეჟიმს მხარს უჭერს. ჰეილის თქმით, სანქციებს აშშ-ს ფინანსთა მინისტრი სტივენ მნუჩინი გამოაქვეყნებს. სავარაუდოდ, სანქციებში უნდა მოყოლოდნენ ის რუსული კომპანიები, რომლებიც რაიმე სახით მაინც ბაშარ ასადთან და ქიმიური იარაღის გამოყენებასთან არიან დაკავშირებული.
