ამერიკის შტატ ჯორჯიაში ექსტრემალური ამინდის გამო მინიმუმ 11 ადამიანი გარდაიცვალა, 23 კი დაშავდა. შტატში ტორნადოს შესახებ მოსახლეობა გააფრთხილეს, აღმოსავლეთ ჯორჯიაში კი ნალექის დიდ რაოდენობას ელოდებიან. ტელეკომპანია “ეიბისის” მონაცემებით, შაბათ-კვირას ჯორჯიაში 11 ტორნადო დაფიქსირდა.
გარდაცვლილთა უმეტესობა ჯორჯიის სამხრეთ ნაწილში ცხოვრობდა.
გუშინ მისისიპიშიც ტორნადოს 4 ადამიანი ემსხვერპლა. ქარის სიჩქარემ 218 კმ/სთ-ს მიაღწია. ტორნადოს გამო განსაკუთრებული მდგომარეობაა გამოცხადებული ფლორიდას შტატშიც.