აფხაზეთის დე-ფაქტო რესპუბლიკის სანიტარულ-ეპიდემიური სამსახურების მიერ გავრცელებული ინფორმაციის თანახმად, აფხაზეთის ტერიტორიაზე ღორის გრიპით დაავადების შვიდი შემთხვევა გამოვლინდა. ორი ადამიანი რესპუბლიკურ საავადმყოფოში გადის მკურნალობას. აფხაზეთის დე-ფაქტო ხელისუფლება ადგილობრივებს აცრების გაკეთებისკენ მოუწოდებს.
რამდენიმე კვირის წინ თვითგამოცხადებული რესპუბლიკის მთავრობამ საქართველოსთან დროებითი სასაზღვრო-გამშვები პუნქტები გაურკვეველი ვადით დაკეტა. მათი თქმით პუნქტების დახურვის მიზეზი საქართველოს ტერიტორიაზე გავრცელებული ღორის გრიპია.