ამირან გამყრელიძე : ფართომასშტაბიანი კვლევის საშუალება თუ არ მოგვეცემა, ერთადერთი ნაბიჯია ყარაჯალარის, აღთაკლიასა და ყარათაკლიას ჩაკეტვა

admin
ავტ.: admin ივლისი 22, 2020 13:08

ამირან გამყრელიძე : ფართომასშტაბიანი კვლევის საშუალება თუ არ მოგვეცემა, ერთადერთი ნაბიჯია ყარაჯალარის, აღთაკლიასა და ყარათაკლიას ჩაკეტვა

დაავადებათა კონტროლის ეროვნული ცენტრის ხელმძღვანელის ამირან, გამრელიძის განცხადებით, გარდაბნის მუნიციპალიტეტში, კერძოდ, გაჩიანის დასახლებაში შემავალ სამ სოფელში გაფართოებული ტესტირება დადგეგმილი ტემპით ვერ მიმდინარეობს, რადგან მოსახლეობამ შემხვედრი ნაბიჯები არ გადადგა.

კერძოდ, გამყრელიძის თქმით, გუშინ 350 ნიმუშზე მეტის აღება ვერ მოხერხდა, მაშინ, როცაც ექვს ბრიგადას 700-დან 1000 ნიმუშამდე აღების შესაძლებლობა აქვს.

ამირან გამყრელიძე რადიკალური ღონისძიებების გატარებას არ გამორიცხავს და ამბობს, რომ შესაძლოა, სამი სოფლის – ყარაჯალარის, აღთაკლიასა და ყარათაკლიას ჩაკეტვა გახდეს საჭირო.

„სამწუხაროდ, მოსახლოებაში კვლევებზე ცუდი დამყოლობაა. გაფართოებული კვლევები დავიწყეთ. გვინდოდა, 7000 მოსახლე ამ კვირაში სრულად გამოგვეკვლია. შემხვედრი ნაბიჯები არ იდგემა და 350 ნიმუშზე მეტი ვერ აიღეს. არ გამოვრიცავ ამ რადიკალური ღონისძიებების გატარებას. თუ დამყოლობა არ იქნა სოფლის მოსახლეობის მხრიდან, არ მოგვეცა საშუალება, რომ გამოვიკვლიოთ, ფართომასშტაბიანი კვლევა ვაწარმოოთ ამ დასახლებაში, მაშინ ერთადერთი ნაბიჯი არის ამ სამი სოფლის იზოლირება, ჩაკეტვა. ამაზე იმსჯელებს საკოორდინაციო საბჭო და მიიღებს შესაბამის გადაწყვეტილებას, მაგრამ მანამდე მოახლეობას ვთხოვთ, რომ იყოს მეტი დამყოლობა“, – განაცხადა ამირან გამყრელიძემ.

admin
ავტ.: admin ივლისი 22, 2020 13:08

Google სტატისტიკა


1,942
ვიზიტორი
დღეში
Powered By Google Analytics