ტუნისის ტერაქტის შედეგად, 37 ადამიანი დაიღუპა, 36 დაიჭრა.
ჯიჰადისტურმა ჯგუფმა «ისლამურმა სახელმწიფომ» საკუთარ თავზე აიღო გუშინ სუსის ერთ-ერთ ხუთვარსკვლავიან სასტუმროში მომხდარი ტერაქტი. როგორც «როუტერი» ავრცელებს, დაჯგფების ტვიტერის აკაუნტზე გამოჩნდა შეიარაღებული ბოევიკის ფოტო, რომელმაც სავარაუდოდ, ჩაიდინა ტერაქტი.
ჯიჰადისტები ამბობენ, რომ ფოტოზე ჰალიფატ აბუ იხია ალ-კაირუნია. «სოციალურ ქსელებში ჯიჰადისტებმა მომხრეებს მოუწოდეს რამადანის პერიოდში გააძლიერონ თავდასხმა» – წერს სააგენტო.
მოწოდების გამო ტუნისის მთავრობა ყველა მეჩეთის დახურვას აპირებს. ტუნისის პრემიერ-მინისტრის ჰაბიბ ეს-სიდის თქმით, დაიხურება დაახლოებით 80 მეჩეთი.
ქვეყნის შს მინისტრის ინფორმაციით, სროლა სტუდენტმა გახსნა. ის გამოიყურებოდა როგორც ტურისტი და ავტომატ კალაშნიკოს ქოლგაში ინახავდა. სასტუმროს ერთ-ერთმა თანამშრომელმა განაცხადა, რომ მსროლელი მიზანში იღებდა სანაპიროს და ბასეინთან დამსვენებლებს, შემდეგ კი ბასეინში ყუმბარა ჩააგდო.
გაეროს გენერალურმა მდივანმა, აშშ-ს პრეზიდენტმა, გერმანიის კანცლერმა და სხვა მსოფლიო ლიდერებმა მომხდარის გამო მწუხარება გამოთქვს და ქვეყანას ტერორიზმთან ბრძოლაში დახმარებას დაპირდნენ.
