რუსეთის გენერალურმა საკუნსულომ ქალაქ მარსელში, საფრანგეთის ხელისუფლებისაგან მიიღო ოფიციალური შეტყობინება იმის თაობაზე, რომ ტერორისტული აქტების მომზადების ბრალდებით დაკავებული არიან რუსეთის 5 მოქალაქე. ამ თემასთან დაკავშირებულ რუსეთის საგარეო საქმეთა სამინისტროს განცხადებაში, ნახსენებია დაკავებულთაგან ერთერთის ვინაობა, ის ზელიმხან ანზოროვიჩ ისმაილოვი გახლავთ და მას ტერორისტული აქტების მომზადების მიზნით, დანაშაულებრივი ორგანიზაციის წევრობა ედება ბრალად. რუსეთის საგარეო უწყების განცხადებით, საფრანგეთის ხელისუფლება დანარჩენ 4 ბრალდებულზე, მოგვიანებით მოახდენს რუსების ინფორმირებას.
საფრანგეთის მედია, დაკავებულ 5 რუსეთის მოქალაქეზე გავრცელებულ ინფორმაციებში, მათ ჩეჩნური წარმოშობის პირებად მოიხსენიებს და დაგეგმილ ტერაქტებს, ჩეჩნურ ჯგუფებს შორის დაპირისპირების ნაწილად მოიხსენიებს.