აშშ რუსეთს მინსკის შეთანხმების დარღვევაში ადანაშაულებს. ამის შესახებ “ბიბისი” იტყობინება. როგორც აშშ-ის ვიცე პრეზიდენტი, ჯო ბაიდენი აცხადებს, თუ რუსეთი ცეცხლის შეწყვეტის შეთანხმების დარღვევას გააგრძელებს, მას უფრო მეტი საფასურის გაღება მოუწევს.
მიუხედავად იმისა, რომ მინსკის შეთანხმება 15 თებერვალს ამოქმედდა, უკრაინის ქალაქ დებალცევოში საბრძოლო მოქმედებები ამ დრომდე გრძელდება. როგორც პრორუსი მებრძოლები აცხადებენ, უკრაინის არმია კვლავ კონფლიქტის ზონაში იმყოფება. თავად უკრაინული მხარე კი ამბობს, რომ დონბასიდან სამხედრო ტექნიკას მანამ არ გაიყვანს, ვიდრე “ბოევიკები” ცეცხლს არ შეწყვეტენ.
