მინესოტას შტატის ქალაქ სენტ-კლაუდში დანით შეიარაღებულმა მამაკაცმა რვა ადამიანი დაჭრა. ინციდენტი ქალაქის სავაჭრო ცენტრში მოხდა. თავდამსხმელი პოლიციამ მოკლა. მისი ქმედების მოტივი უცნობია. ინფორმაციას მომხდარის შესახებ ABC News ავრცელებს.
როგორც სენტ-კლაუდის პოლიციის უფროსმა ბლერ ანდერსონმა განაცხადა, ბოროტმოქმედმა თავდასხმამდე ერთ-ერთ დაზარალებულს ჰკითხა, იყო თუ არა ის მუსლიმი. ამერიკული მედია თვითმხილველებზე დაყრდნობით იტყობინება, რომ თავდამსხმელი ალაჰის სახელს ახსენებდა. პოლიციის ცნობიT, მამაკაცს კერძო დაცვის კომპანიის უნიფორმა ეცვა.