ბელორუსის პრეზიდენტმა ალექსანდრ ლუკაშენკომ განაცხადა, რომ ქვეყანაში აუცილებელია არსებული განათლების სისტემის შენარჩუნება და არა მისი რეფორმებით მოტეხვა -წერს ადგილობრივი მედია.
“საკმარისია ეს განათლების რეფორმები – დროა სრულვყოთ ის, რაც გვაქვს. აუცილებელია ნორმალური სახელმძღვანელოები, პირველ ყოვლისა, ისტორიის, რომ ბავშვებმა იცოდნენ, რა ხდებოდა გუშინ ჩვენს ქვეყანაში. წარსულისკენ მზერა ეს მომავლისკენ ყურებაა. ჩვენ კი იმ საკითხებზე არ ვმუშაობთ, რაც დღეს საჭიროა” – განაცხადა ლუკაშენკომ.
მისი თქმით, განათლების სისტემის რეფორმები მას ანგრევს.
“დასავლეთი გვეუბნება: თქვენ ერთადერთი დარჩით ყოფილ სოციალისტურ ბანაკში, არ ვამბობ საბჭოთა კავშირზე, რომელსაც განათლების სისტემა არ მოუშლია და ამიტომ გაქვთ ეფექტი, არ დაანგრიოთ ის. განსაკუთრებით, ჩვენი დასავლელი მეზობლები გვეუბნებიან – აღმოსავლეთ ევროპის სახელმწიფოები, რომელთაც, მსგავსი სისტემა ჰქონდათ” – განაცხადა ლუკაშენკომ.
მან ასევე აღნიშნა, რომ აუცილებელია მასწავლებლის სტატუსის წინ წაწევა.
