გერმანიის ხელისუფლებამ 6 კაციანი ნეონაცისტური ჯგუფის ორი წევრის დაკავებაზე ორდერი გასცა – წერს Spiegel Online .
ჩხრეკა და დაკავებები ექვს ფედერალურ მიწაზე ჩატარდა. რეიდების დროს პოლიციელებმა იარაღი და ასაფეთქებელი ნივთიერებები ამოიღეს.
სამართალდამცველების ინფორმაციით, ექსტრემისტები ებრაელებზე, ლტოლვილთა ცენტრებზე და პოლიციის ოფისებზე თავდასხმას გეგმავენ. დაკავებულებს, შესაძლებელია სახელმწიფო გადატრიალების მცდელობა წაუყენონ ბრალად.
გერმანიის იუსტიციის მინისტრის ხეიკო მაასის თქმით, ქვეყანაში მომრავლებულია ექსტრემისტული დაჯგუფებები.
