სამმა ამერიკელმა სენატორმა კონგრესში წარადგინა კონონპროექტი სოციალურ ქსელებში პოლიტიკური რეკლამის განთავსების წესების გამკაცრების თაობაზე. ამის შესახებ იტყობინება ამერიკული ტელეარხი NBC. კანონპროექტის თანაავტორები არიან რესპუბლიკელი სენატორი ჯონ მაკ-კეინი (John Sidney McCain III) და დემოკრატი-სენატორები მარკ უიერნერი (Mark Robert Warner) და ემი ქლობუშარი ( Amy Jean Klobuchar). დოკუმენტი მოითხოვს ინტერნეტ-კომპანიებისგან ინფორმაციის გასაჯაროებას რეკლამის დამკვეთის ვინაობის შესახებ.
“რუსეთის მიერ ჩვენს არჩევნებზე განხორციელებული შეტევის შემდეგ მნიშვნელოვანია ჩვენი დაცვის გაძლიერება, რადგან არსებული კანონმდებლობა არ შეესაბამება თანამედროვე რეალიებს”,- განაცხადა ემი ქლობუშარმა.
შეგახსენებთ, “Facebook Messenger”-ის ხელმძღვანელმა დევიდ მარკუსმა განაცხადა, რომ რუსეთის აგენტებს შეეძლოთ “Messenger”-ის გამოყენება 2016 წლის არჩევნებზე გავლენის მოსახდენად.
“Facebook”-ის ადმინისტრაციამ კი კონგრესის საგამოძიებო კომიტეტს გადასცა 3 ათასი სარეკლამო განცხადება, რომელიც რუსეთმა განათავსა ამ ქსელში სარჩევნო კამპანიის დროს 2016 წელს.