ზუგდიდში დისლოცირებული განსაკუთრებულ დავალებათა მეორე სამმართველოს თანამშრომელი ზაზა ხასია უცნობებმა საკუთარ სახლთან დაჭრეს. როგორც “თაიმერს” აცნობეს, პოლიციელი თავდამსხმელებმა სახლიდან გამოიყვანეს და გულ-მკერდის არეში ჭრილობა ცეცხლსასროლი იარაღით მიაყენეს. დაჭრილ პოლიციელს ამ წუთებში ზუგდიდის რეფერალურ საავადმყოფოში სასწრაფო ოპერაცია უკეთდება.
როგორც “თაიმერს” შინაგან საქმეთა სამინისტროში განუცხადეს გამოძიება 118-ე მუხლით მიმდინარეობს.