ზაფხულის სეზონის დადგომასთან ერთად დამწვრობის ცენტრში მიმართვიანობამ იმატა.
მზისგან მიღებული დამწვრობით კლინიკაში ამჟამად ოთხი ადამიანია მოთავსებული. მათ შორის ორი მცირეწლოვანია.
ბოლო ორი დღის განმავლობაში ხეჩინაშვილის საავადმყოფოს სულ 25-მა ადამიანმა მიმართა. ამ სეზონზე კი მიმართვიანობის რიცხვი 120-მდე გაიზარდა.
ექიმები მოსახლეობას მოსალოდნელი რისკების შესახებ აფრთხილებენ და კონკრეტული რეკომენდაციებით მიმართავენ.
