“როგორ ერთობიან სამხრეთ ოსეთელი “ოქროს ახალგაზრდები” – ასეთი სათაურით ერთ-ერთი რუსული ინტერნეტ გამოცემა სამხრეთ ოსეთის თვითგამოცხადებული რესპუბლიკის პრეზიდენტის ადმინისტარციის ხელმძღვანელის ალან ტეხოვის ნათესავზე, რუსლან ტეხოვზე წერს, რომელმაც ჩრდილოეთ ოსეთში, ვლადიკავკაზში არეულობა და სროლა მოაწყო. ჯიპში მყოფმა ერთ-ერთმა “ოქროს ახალგაზრდამ” ( ჯიპს ცხინვალის ნომრები ჰქონდა) მანქანიდან ცეცხლი გახსნა. შემთხვევის ადგილზე გამოცხადებულ პოლიციელს “მანქანიდან, თითქმის პირდაპირ ესროდნენ” – ინფორმაციას ადგილობრივი შს განყოფილება ავრცელებს. საპატრულო მანქანის ვიდეორეგისტრატორის კადრები ქსელში გავრცელდა.
ამ დროისათვის “ცხინვალელი ოქროს ახალგაზრდები” დაკავებული არიან. ფაქტზე სისხლის სამართლის საქმეა აღძრული – წერს რუსული ინტერნეტ გამოცემა.
https://youtu.be/eQ3gDUdPEzo
