ვაჟა ფშაველას გამზირზე მომხდარ ავტოსაგზაო შემთხვევას ორი ადამიანი ემსხვერპლა. სამშენებლო ამწის და მსუბუქი ავტომობილის შეჯახების შედეგად Nissan Tiida-ს მძღოლი და ქვეითი გარდაიცვალა. ავტოსაგზაო შემთხვევა გუშინ ღამით მოხდა.
როგორც “თაიმერს” შინაგან საქმეთა სამინისტროში განუცხადეს, გამოძება სისხლის სამართლის კოდექსის 276-ე მუხლის მეშვიდე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ორი ან მეტი ადამიანის სიცოცხლის მოსპობა.
დანაშაული ისჯება თავისუფლების აღკვეთით ექვსიდან 10 წლამდე.