პარლამენტის პირველი ვიცე-სპიკერი გია ვოლსკი მიიჩნევს, რომ ექიმ ვაჟა გაფრინდაშვილთან დაკავშირებით სოლიდარობის აქციის გამართვა მნიშვნელოვანია, მაგრამ სოლიდარობის აქცია პოლიტიკურად ანგაჟირებული არ უნდა იყოს.
„ვფიქრობ, რომ ამ ყველაფერს შეიძლება, დამაზიანებელი ეფექტი ჰქონდეს. სახელმწიფომ და პოლიტიკურმა სტრუქტურებმა თავისი ხაზებით უნდა იმუშაონ. ოპოზიციამაც თავისი რესურსები უნდა გამოიყენოს, მაგრამ ეს არც ერთ შემთხვევაში არ უნდა იყოს დაპირისპირების თემა. ეს ის თემაა, სადაც ყველა ერთად უნდა იყოს“, – განაცხადა გია ვოლსკიმ.
