,,უვადოდ მოსამართლეთა არჩევის თაობაზე ცხრა დეპუტატის კანონპროექტმა სულ მცირე კონსტიტუციურობის ტესტი უნდა ჩააბაროს”

თაიმერი timer.ge
ავტ.: თაიმერი timer.ge თებერვალი 11, 2019 21:51

,,უვადოდ მოსამართლეთა არჩევის თაობაზე ცხრა დეპუტატის კანონპროექტმა სულ მცირე კონსტიტუციურობის ტესტი უნდა ჩააბაროს”

პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, უვადოდ მოსამართლეთა არჩევის თაობაზე ცხრა დეპუტატის მიერ მომზადებულმა კანონპროექტმა სულ მცირე კონსტიტუციურობის ტესტი უნდა ჩააბაროს.

როგორც ჟურნალისტებს ოხანაშვილმა განუცხადა, ინიციატივა კონსტიტუციას უნდა შეესაბამებოდეს.

„ჩვენი ამოცანაა, საკითხზე ვიმსჯელოთ და ისეთი გადაწყვეტილება მივიღოთ, რომელიც უკეთესი სასამართლო სისტემით იქნება ნაკარნახევი. ვნახოთ, ინიციატივას დასახული აქვს თუ არა მიზნად უკეთესი სასამართლო სისტემის არსებობა.

დაუშვებელია, კონსტიტუციის მიღმა გავიდეთ. მით უმეტეს, იურიდიულ საკითხთა კომიტეტი იმ დღის წესრიგს არასოდეს არ გადაუხვევს, რომელიც კონსტიტუციით აქვს მინიჭებული.

კანონპროექტების მომზადებას მეტი პასუხისმგებლობით უნდა მოვეკიდოთ, განჭვრეტადი მოლოდინი უნდა გვქონდეს, რომ ინიციატივა კონსტიტუციასთან შესაბამისობაში იყოს. ავტორებმა დასაბუთება უნდა წარმოადგინონ. კომიტეტის სხდომაზე ძალიან საინტერესო პროცესი იქნება, იქ გამოჩნდება, ყველას, პირველ რიგში ავტორების კომპეტენცია კონსტიტუციასთან დაკავშირებით“, – განაცხადა ოხანაშვილმა.

თაიმერი timer.ge
ავტ.: თაიმერი timer.ge თებერვალი 11, 2019 21:51

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,001
ვიზიტორი
დღეში
Powered By Google Analytics