ვაქცინაციის ტემპების ვარდნის გამო უნგრეთი იძულებულია საკუთარი მარაგიდან უახლოეს ხანში სხვა ქვეყნებს აჩუქოს 140 ათასი დოზა კორონავირუსის საწინააღმდეგო ვაქცინა. ქვეყნის პრემიერ-მინისტრმა ვიქტორ ორბანმა განაცხადა, რომ 10 მილიონიან ქვეყანაში 3 მილიონ ზრდასრულსაც არა აქვს ორივე დოზა ვაქცინა გაკეთებული.
“ვშიშობ, ჩვენთან ფიქრობენ, რომ ვაქცინის გაუკეთებლობა შერჩებათ. საქმე იმაშია, რომ ეს არის ვირუსი, რომელიც არსად წავა.. ადრე თუ გვიან ის ყველას იპოვის” – ორბანმა პარასკევს განაცხადა.
უნგრეთი 100 ათასი დოზა ვაქცინა “ასტრა-ზენეკას” კაბო-ვერდესთვის ჩუქებას აპირებს. 41 ათას “ფაიზერს” კი ჩეხეთს გადასცემს.
უნგრეთმა ერთი დოზა ვაქცინა მოსახლეობის 52,3%-ს უკვე გაუკეთა, რაც ევროკავშირში სიდიდით მეორე მაჩვენებელია. აპრილის შუა რიცხვებიდან ყოველდღიურად ქვეყანაში 75 ათას მოქალაქეს უკეთდებოდა ვაქცინაცია, მიმდინარე კვირას მათი რაოდენობა 30 ათასამდე შემცირდა.