ევროსაბჭო დაუყოვნებლივ უნდა შეიკრიბოს და სანქციები დაუწესოს რუსეთს მოსკოვის მიერ დონბასის დამოუკიდებლობის აღიარებასთან დაკავშირებით. ამის შესახებ „ტვიტერის“ გვერდზე პოლონეთის პრემიერ – მინისტრმა მატეუშ მორავეცკიმ დაწერა.
„თვითგამოცხადებული რესპუბლიკების აღიარების გადაწყვეტილება წარმოადგენს საბოლოო უარს დიალოგზე და არის საერთაშორისო სამართლის უხეში დარღვევა. უკრაინის წინააღმდეგ ეს აგრესიაა, რომელსაც პასუხი უნდა გაეცეს ერთმნიშვნელოვნად დაუყოვნებლივი სანქციების მეშვეობით“, – წერს მორავეცკი.
მან მოითხოვა, დაუყოვნებლივ იყოს მოწვეული ევროსაბჭოს სხდომა ამ საკითხთან დაკავშირებით.